Almaniyada keçirilən AVRO-2024-ün pley-off mərhələsi davam edir.
İdman.biz xəbər verir ki, bu gün 1/4 finalın daha bir oyunu keçirilib.
Mərhələnin ikinci oyunu Hamburqda baş tutub. Son iki mundialda finala yüksələn Fransa Portuqaliya ilə üz-üzə gəlib. 120 dəqiqə ərzində qapılara qol vurulmayıb. Qalib penalti seriyasında bəlli olub. Daha dəqiq olan Fransa futbolçuları yarımfinala vəsiqə qazanıblar.
Qeyd edək ki, 1/4 final mərhələsinə iyulun 6-da yekun vurulacaq.
AVRO-2024
1/4 final
5 iyul
23:00. Portuqaliya – Fransa - 0:0, pen. 3:5
Baş hakim: Maykl Oliver (İngiltərə)
Hamburq. Folksparkştadion
İdman.biz
