Azərbaycan millisinin qılıncoynadanı Anna Başta dünya reytinqində 33-cü yerdədir.
İdman.biz xəbər verir ki, onun aktivində 48,000 xal var.
Başta cari mövsüm beynəlxalq arenada medal hesabını hələ açmayıb. Onun son yarışı Lüksemburqda keçirilən Avropa lisenziya turniri olub. Anna yarışda zədələnərək 5-ci yeri tutub. Hazırda bərpa prosesi keçən qılıncoynadan ikinci Olimpiadasına hazırlaşır.
Qeyd edək ki, reytinq cədvəlinə yaponiyalı Misaki Emura başçılıq edir. Fransalı Sara Balzer ikinci, yunanıstanlı Teodora Qkountura isə üçüncüdür.
İdman.biz
