Azərbaycan millisi Serbiyada ISF U15 Gimnaziada İdman Oyunlarında növbəti qızıl medalı qazanıb.
İdman.biz-in yarışa ezam olunmuş əməkdaşı xəbər verir ki, bu uğura şpaqaçımız Mirnuray Abasova imza atıb.
O, yarımfinalda serbiyalı Una Petkoviçi 15:11 hesabı ilə məğlub edib. Abasova finalda da inamlı qələbə qazanıb. Qılıncoynadanımız çinli Ju Şiyindən üstün olub – 15:11.
Qeyd edək ki, yarışda millmizin mükafat sayı 12-yə yüksəlib. Komandamız daha öncə 2 qızıl, 3 gümüş və 6 bürünc medal əldə edib.
***
15:36
Serbiyada ISF U15 Gimnaziada İdman Oyunları davam edir.
İdman.biz-in yarışa ezam olunmuş əməkdaşı xəbər verir ki, qılıncoynadanların 2-ci yarış günündə şpaqaçılar mübarizəyə qoşulub.
Milli üzvlərindən Mirnuray Abasova ilkin görüşləri uğurla başa vurub. O, 1/4 finalda rumıniyalı Arianan Georgiana Covaci ilə üz-üzə gəlib. Görüşün əvvəlindən axıradək üstünlüyünü qoruyan şpaqaçımız rəqibinə 15:10 hesabı ilə qalib gəlib. Abasova yarımfinala yüksəlməklə özü üçün azı bürünc medalı təmin edib.
Digər qılıncoynadanlarımızdan Aydan Atakişiyeva 1/8, Esnat Mirzəyeva 1/4 finalda uduzub.
Qeyd edək ki, Azərbaycan millisi yarışın ilk günündə 11 medal qazanıb.
İdman.biz
