Millimizlə yoldaşlıq oyununda qüvvəsini sınayacaq Albaniya yığmasının heyəti açıqlanıb.
İdman.biz xəbər verir ki, baş məşqçi Silvinyo 27 futbolçuya dəvət göndərib.
AVRO-2024-ün final mərhələsində çıxış edəcək komanda təlim-məşq toplanışı keçəcək. Azərbaycan və Albaniya komandaları arasında oyun iyunun 7-də baş tutacaq. Qarşılaşma Macarıstanın Sombatxey şəhərində Haladas SportKomplexum" stadionunda olacaq.
Qeyd edək ki, albanlar Avropa çempionatında B qrupunda İspaniya, İtaliya və Xorvatiya komandaları ilə yarışacaqlar.
Qapıçılar: Etrat Berişa (“Empoli”, İtaliya), Tomas Strakoşa (“Brentford”, İngiltərə), Elxan Kastrati (“Çittadella”, İtaliya), Simon Simoni (“Ayntraxt”, Almaniya)
Müdafiəçilər: Naser Aliji (“Voluntari”, Rumıniya), Arlind Ayeti (ÇFR, Rumıniya), İvan Balliu (“Rayo Valekano”, İspaniya), Berat Cimşiti (“Atalanta”, İtaliya), Elseid Hisay (“Latsio”, İtaliya), Mario Mitay (“Lokomotiv”, Rusiya), Maraş Kambulla (“Sassuolo”, İtaliya), Adrian İsmayli (“Empoli”, İtaliya), Enea Mihay (“Familikao”, Portuqaliya)
Yarımmüdafiəçilər: Amir Abraşi (“Qrasshoppers”, İsveçrə), Kristian Aslani (“İnter”, İtaliya), Nedim Bayrami (“Sassuolo”, İtaliya), Medon Berişa (“Leççe”, İtaliya), Klaus Qyasula (“Darmştadt”, Almaniya), Kazim Laçi (“Sparta”, Çexiya), Ernest Muçi (“Beşiktaş”, Türkiyə), İlber Ramadani (“Leççe”, İtaliya)
Hücumçular: Armando Broya (“Fulhem”, İngiltərə), Yasir Asani (“Kvancu”, Cənubi Koreya), Mirlind Daku (“Rubin”, Rusiya), Arber Hoca (“Dinamo”, Xorvatiya), Rey Manay (“Sivasspor”, Тürkiyə), Taulant Seferi (“Bani Yas”, BƏƏ).
İdman.biz
