“Turan Tovuz” yollarını ayırdığı baş məşqçi Ayxan Abbasovun rəhbərliyi altında 79 oyun keçirib.
İdman.biz xəbər verir ki, Qərb klubu bu müddətdə 27 qələbə qazanıb.
Abbasovun rəhbərliyi altında 19 heç-heçə edən tovuzlular 33 dəfə uduzublar. Bu müddətdə qol sayında 101-ə çatan komanda 110 top buraxıb.
Premyer Liqanın iki mövsümündəki 72 matçda 23 qələbə, 18 heç-heçə və 31 məğlubiyyət qeydə alınıb. 89 top vuran “Turan Tovuz” 102-ni buraxıb.
Azərbaycan kubokundakı 7 görüşdə 4 qələbəsi olan bölgə təmsilçisi 1 heç-heçə edib və 2 dəfə uduzub. 12 qola imza atan komanda 8 top buraxıb.
Qeyd edək ki, hər iki mövsümdə çempionatda 6-cı yeri tutan “Turan Tovuz” kubokda əvvəl yarımfinalda, bu dəfə 1/8 finalda dayanıb.
Vüqar Xeyrullayev
İdman.biz
