Azərbaycanı UEFA Regionlar Kubokunda təmsil edəcək “Şimal” komandası ilk oyununa çıxıb.
İdman.biz xəbər verir ki, təmsilçimiz “Football School Bridge”lə qarşılaşıb.
Oyun Gürcüstan təmsilçisinin qələbəsi ilə başa çatıb. Rəqib komanda 5:0 hesabı ilə qalib gəlib. "Şimal" növbəti matçını iyulun 1-də “Qothenburq”a (İsveç) qarşı keçirəcək.
UEFA Regionlar Kuboku
28 iyun
19:00. “Football School Bridge” – “Şimal” - 5:0
Qollar: Nika Bitsadze, 14. Levante Botkoveli, 30. Nodar Jobinaşvili, 41. Lado Xideşeli, 70; 72
Baş hakim: Miloş Boşkoviç (Monteneqro)
Qeyd edək ki, "Şimal" avrokubokun ilkin mərhələsində Gürcüstanın “Football School Bridge” və İsveçin “Qothenburq” komandaları ilə B qrupunda yer alıb. Qrup mərhələsinin bütün qarşılaşmaları Gürcüstanda təşkil olunacaq.
İdman.biz
