“Sumqayıt”ın Konfrans Liqasında rəqibi “Fehervar” yoldaşlıq görüşündə qüvvəsini sınayıb.
İdman.biz xəbər verir ki, onlar Macarıstanın 2-ci liqa təmsilçisi “Ayka” ilə qarşılaşıblar.
Matç “Sumqayıt”ın rəqibinin 3:2 hesabı ilə qələbəsiylə yekunlaşıb. Bu, Tomaş Petonun komandasının ikinci hazırlıq matçı olub. Onlar daha əvvəl Macarıstanın aşağı liqa təmsilçisi “Babolna”ya 9:0 hesabı ilə qalib gəliblər.
Qeyd edək ki, "Sumqayıt"la "Fehervar" arasında ilk oyun iyulun 25-də Sumqayıtda, cavab matçı ayın 31-də səfərdə olacaq.
İdman.biz
