UEFA Avropa Liqasının I təsnifat mərhələsində keçiriləcək “Zirə” - “Şerif” (Moldova) oyununun biletləri satışa çıxarılacaq.
İdman.biz xəbər verir ki, bu barədə paytaxt klubunun mətbuat xidməti açıqlama verib.
Satış sabah saat 12:00-dan etibarən start götürəcək. Biletlərin qiyməti sektorlara əsasən, müvafiq olaraq, 2, 5, 10 və 20 manat təşkil edir. Satış məntəqələri “Zirə İdman Kompleksi”, “Dalğa Arena” və Tofiq Bəhramov adına Respublika stadionunun kassalarında olacaq.
Qarşılaşma iyulun 18-də saat 20:00-da "Dalğa Arena"da start götürəcək.
Qeyd edək ki, "Zirə" ilk oyunda səfərdə 1:0 hesabı ilə qalib gəlib.
İdman.biz
