"Səbail" bu gün Türkiyədə 2-ci yoxlama oyununda qüvvəsini sınayıb.
İdman.biz xəbər verir ki, "dənizçilər" "Hatayspor"la qarşılaşıblar.
Türkiyə Superliqa təmsilçisi ilə oyun 1:1 hesabı ilə yekunlaşıb. "Səbail"in heyətində yeni transfer Gülağa Əsədov fərqlənib. İyulun 18-də təlim-məşq toplanışını başa vuracaq Şahin Diniyevin komandası qarşıdakı günlərdə daha bir yoxlama oyununda qüvvəsini sınamağı planlaşdırıb. Hələlik rəqibin adına aydınlıq gəlməyib.
Qeyd edək ki, "Səbail" ilk hazırlıq görüşündə "Ərzurumspor"a 2:3 hesabı ilə uduzub.
İdman.biz
