“Sumqayıt” monteneqrolu forvard Nikola Vuynoviçlə müqavilə imzalayıb.
İdman.biz xəbər verir ki, bu barədə klubun mətbuat xidməti məlumat yayıb.
27 yaşlı hücumçu ilə 1+2 illik razılıq əldə olunub. Vuynoviç Xorvatiyanın “Qoritsa” klubundan "Sumqayıt"a keçib. O, son mövsümdə 29 oyunda 5 qolla yadda qalıb. Nikola yeni klubunda 9 nömrəli formada çıxış edəcək.
Qeyd edək ki, “Sumqayıt” bundan əvvəl Rəhim Sadıxov, Fernando Medeiros və Slavişa Radoviçin keçidini rəsmiləşdirib.
İdman.biz
