"Sumqayıt"ın Konfrans Liqasındakı rəqibi "Fehervar"ın hazırlıq mərhələsində son matçını keçirib.
İdman.biz xəbər verir ki, Macarıstan təmsilçisi Türkiyənin "Göztəpə" klubu ilə qarşılaşıb.
Macarlar oyunda 2:0 hesabı ilə öndə olsalar da, hesabı qoruya bilməyiblər. Matç 2:2 hesablı bərabərliklə yekunlaşıb. Bu, “Fehervar”ın yoldaşlıq görüşlərində ilk heç-heçəsi olub. Onlar bundan əvvəl keçirdikləri yoldaşlıq görüşlərinin 4-də qalib gəliblər.
Qeyd edək ki, "Sumqayıt"la "Fehervar" arasında ilk oyun iyulun 25-də Sumqayıtda, cavab matçı ayın 31-də Macarıstanda olacaq.
İdman.biz