"Sabah qələbə qazanmağa çalışacağıq ".
İdman.biz xəbər verir ki, bunu “Şerif”in futbolçusu Peter Ademu deyib.
Təcrübəli yarımmüdafiəçi “Zirə” ilə Avropa Liqasının I təsnifat mərhələsinin cavab oyunundan öncə keçirilən mətbuat konfransında iştirak edib. O bildirib ki, ilk oyundan sonra "Zirə"ni yaxşı təhlil ediblər: "İlk oyundan sonra yaxşı məşq keçmişik. Xüsusilə də səhvlərimiz üzərində işləmişik. Kimisə vurğulamaq istəməzdim. Fərdlər üzərində hazırlaşmamışıq. "Zirə"nin komanda şəklində çətin rəqib olduğunu bilirdik. İlk oyunda bunu sübuta yetirdilər. Bizim yeni oyunçularımız çoxdur. Hələlik bir-birimizə tam alışmamışıq. Gündən günə daha da yaxşı olacağıq".
Qeyd edək ki, “Zirə” – “Şerif” oyunu sabah saat 20:00-da start götürəcək.
Emin Ağa
İdman.biz
