"Sabah çox vacib oyuna çıxacağıq. Rəqibi yaxşı təhlil etmişik".
İdman.biz xəbər verir ki, bunu “Zirə”nin hücumçusu Rafael Utsiq deyib.
Braziliyalı legioner Konfrans Liqasının II təsnifat mərhələsinin “Dunayska Ştreda” ilə Bakıda keçiriləcək ilk oyunu ilə bağlı mətbuat konfransına qatılıb: “Bu rəqibi adlamaq prioritet məsələ olacaq. Komanda olaraq ötən mövsümdən birlikdə çıxış edirik. Bunu nəzərə alsaq, rəqibə qarşı mübarizə apara bilərik. Həm evdə, həm də səfərdə yaxşı oynayıb mərhələni keçəcəyimizə inanırıq".
Qeyd edək ki, “Zirə” – “Dunayska Ştreda” oyunu sabah saat 20:30-da start götürəcək.
Emin Ağa
İdman.biz
