"Bizim üçün yaxşı sınaq olacaq. İlk oyunda qələbə qazanmaq istəyirik".
İdman.biz xəbər verir ki, bunu "Fehervar"ın baş məşqçisi Tamaş Pete deyib.
Konfrans Liqasının II təsnifat mərhələsinin ilk oyununda "Sumqayıt"ın qonağı olacaq komandanın çalışdırıcısı yaxşı çıxış edəcəklərinə əminliyini vurğulayıb: "Biz sabit çıxışımıza kreativlik əlavə etmək arzusundayıq. Bu, bizim qarşıdakı mövsümdə əsas hədəfimiz olacaq. Son bir neçə həftə ərzində gördüyümüz işi yüksək dəyərləndirirəm. Əminəm ki, yaxşı oyun göstərəcəyik. "Sumqayıt"ı təhlil etmək asan olmadı, yayda komanda çox futbolçu dəyişib. Biz rəqibin bir neçə yoxlama matçını izləmişik və onların əla təşkilatlanmış komanda olduğunu görmək mümkündür. Biz Azərbaycana uzun yol qət etmişik, amma futbolçuların istirahət edəcəyi və sabahkı görüşə tam hazırlaşacağına ümid edirəm. Oyun günü səhər məşq edəcəyik, axşam isə maksimum nəticə qazananmağa çalışacağıq. Qələbəmizə çox inanıram".
İdman.biz
