“Əlimizdən gələni edəcəyik ki, ikinci matçda daqələbə qazanaq”.
Bunu İdman.bizə “Zirə”nin futbolçusu Məqsəd İsayev deyib.
O, Konfrans Liqasının II təsnifat mərhələsində "Dunayska Streda" (Slovakiya) ilə cavab matçı öncəsi fikirlərini açıqlayıb. 30 yaşlı müdafiəçi bildirib ki, bu qarşılaşmada yaxşı oyun göstərmək istəyirlər: “Qələbə qazanmaq bizim üçün vacibdir. Buna görə də oyuna yaxşı hazırlaşırıq. Bakıdakı qarşılaşmada rəqibdən hər bir baxımdan üstün idik. Layiqli qələbə qazandıq. Bunun davamını isə səfər matçında gətirəcəyik”.
Qeyd edək ki, ilk oyunda 4:0 hesabı ilə qalib gələn Azərbaycan klubu ikinci matçını avqustun 1-də səfərdə keçirəcək.
Banuçiçək Hüseynli
İdman.biz
