“Bu transfer karyeramda yeni bir addımdır”.
Bunu İdman.bizə “Şamaxı” klubuna yeni transferi Vasiliye Bakiç deyib.
24 yaşlı serbiyalı mərkəz müdafiəçisi bildirib ki, ilk dəfə legioner həyatı yaşayacağından uğurlu olacağına inanır: “Ümid edirəm ki, bu yeni başlanğıc həm mən, həm “Şamaxı” üçün uğurlu olacaq. Təklif gələndə komanda haqda maraqlandım, yekunda qərar verdim və müqavilə imzaladım. Hədəfimiz yaxşı oyun göstərib, turnir cədvəlində maksimum bacardığımız qədər üst pillələrdə qərarlaşmaqdır. Bir neçə gündür düşərgədəyəm. Yaxşı komandamız var. İnanıram ki, yaxşı nəticələr qazana biləcəyik”.
Qeyd edək ki, “Şamaxı” Bakiçlə bir illik müqavilə imzalayıb.
Banuçiçək Hüseynli
İdman.biz
