““Sabah” azarkeşlərinə və rəhbərliyinə təşəkkür edirəm”.
İdman.biz xəbər verir ki, bunu “Makkabi”nin (Hayfa) baş məşqçisi Barak Bakhar deyib.
O, Bakıda Konfrans Liqasının ll təsnifat mərhələsində “Sabah” a qarşı keçirdikləri cavab matçından sonra təşkil olunan mətbuat konfransında iştirak edib. Mütəxəssis bildirib ki, vəziyyəti dəyişmək istəsələr də, alınmayıb: “Qələbə münasibətilə “Sabah”ı təbrik edirəm”.
- 6 qol vuraraq qələbə qazana bilməmək necə bir hissdir?
- Penalti seriyasında uduzduq və nəticə əldə edə bilmədik. Özümü çox ümidsiz hiss edirəm. Hər şeyi dəyişmək istədik amma olmadı.
- Futbolda bu cür hallar çox nadir baş verir ki, 6 qol vuraraq mərhələ adlaya bilmirlər. İlk oyunda rəqibi ciddiyə almadığınız üçün bu cür vəziyyətlə üzləşdiz, yoxsa necə?
- Xeyr. Sadəcə mənəvi cəhətdən biz vəziyyəti düzəldə bilmədik. Biz ilk matçda da burada da “Sabah”ı olduqca ciddiyə almışdıq.
Banuçiçək Hüseynli
İdman.biz
