“Keçirilən iki oyundan qabaq heç kim bizə bir faiz də olsun şans vermirdi”.
İdman.biz xəbər verir ki, bunu “Sabah"ın baş məşqçisi Krunoslav Renduliç Konfrans Liqası II təsnifat mərhələsində “Makkabi” ilə cavab matçından sonra təşkil olunan mətbuat konfransında deyib.
Mütəxəssis bildirib ki, ilk andan komandada özünəinam olarsa mərhələ keçəcəklərinə inanıb: “Makkabi” bu gün bizdən daha yaxşı idi. Bir oyunda favorit komandaya qarşı qalib gəlmək olur. Amma hər iki oyunda bunu bacarmaq çətindir. Futbolçularım aslanlar kimi döyüşdülər. Bu güclü rəqibə qarşı qalib gəlib mərhələ adlamağa layiq idik”.
Qeyd edək ki, səfərdə 3:0 hesabı ilə qalib gələn “Sabah” doğma azarkeşləri qarşısında 3:6 hesabı ilə uduzub. Yekunda təmsilçimiz penalti zərbələri seriyasında daha dəqiq olaraq, mərhələ adlayıb.
Banuçiçək Hüseynli
İdman.biz
