"Biz güclü komandayıq".
İdman.biz xəbər verir ki, bunu Çempionlar Liqasının III təsnifat mərhələsinin ilk oyunları çərçivəsində keçiriləcək qarşılaşmaa "Qarabağ"ın qonağı olacaq "Lüdoqorets”in baş məşqçi Qeorqi Dermendjiev matçdan öncə təşkil edilən mətbuat konfransında deyib.
- Bakıya hansı motivasiya ilə gəlmisiniz?
- "Qarabağ" ən yaxşı futbol klublarından biridir. Baş məşqçi on ildən artıqdır ki, buradadır. Bu komanda beynəlxalq arenada öz sözünü deyib. Biz də həmçinin təcrübəli komandayıq. Düşünürəm ki, sabah maraqlı matç olacaq.
- Bakının hədsiz istisi və "Qarabağ"ın böyük təcrübəsi sizi qorxutmur?
- Hava şəraitinin isti olmasına baxmaraq, oyun yaxşı keçəcək. "Ludoqorets"in də böyük təcrübəsi var. Çox güclü komandalardan biriyik. Bu matçın bizim üçün uğurlu olacağını düşünürəm.
- Əvvəlki mərhələlərdə birinci oyunda qalib gəlib, cavab oyununda isə uduzmuz. "Qarabağ"la da eyni ssenarinin yaşanmaması üçün strategiyalanız varmı?
- Çalışacağıq ki, digər matçlarda olan səhvlər bu matçda təkrarlanmasın.
- "Qarabağ"ın heyətində hansı futbolçunu xüsusi qeyd edə bilərsiniz?
- Məncə, hər iki tərəf bir-birinin güclü tərəflərini bilir, yaxşı oyunçularını tanıyır.
- Demək olar ki, “Qarabağ”la “Ludoqorets” bir-birinə çox bənzəyir. Siz bu haqda nə düşünürsünüz?
- İki komandanın strategiyaları oxşardır. Bolqarıstanda biz, Azərbaycanda "Qarabağ" hegemondur.
Aytac Sahəd
İdman.biz
