Li Karsli futbol üzrə İngiltərə yığmasına müvəqqəti baş məşqçi təyin olunub.
İdman.biz xəbər verir ki, bu barədə İngiltərə Futbol Federasiyası məlumat yayıb.
O, Millətlər Liqasında ölkə millisinə başçılıq edəcək. İngilislər sentyabrın əvvəlində İrlandiya və Finlandiya komandaları ilə qarşılaşacaq. Baş məşqçi axtarışını davam etdirən federasiya Karsli ilə ilin sonuna kimi əməkdaşlıq edə bilər.
Qeyd edək ki, 50 yaşlı mütəxəssisin rəhbərlik etdiyi İngiltərə U-21 yığması Avropa çempionatı-2025-in seçmə mərhələsində millimizlə eyni qrupda yarışır. Komandalar arasında Bakıda keçirilən oyun Karlsinin başcılıq etdiyi ingilislərin 5:1 hesablı qələbəsi ilə yekunlaşıb.
İdman.biz
