"Zirə"nin Konfrans Liqasının pley-offundakı rəqibi bəllidir.
İdman.biz xəbər verir ki, təmsilçimiz "Omoniya" ilə qarşılaşacaq.
Komandalar arasında ilk oyun avqustun 22-də Kiprdə, cavab matçı isə 1 həftə sonra Bakıda olacaq. "Omoniya" turnirdə mübarizəyə II təsnifat mərhələsindən qoşulub. "Ağ-yaşıllar" əvvəlcə Kutaisi "Torpedo"su (3:1, 2:1), III mərhələdə isə "Fehervar"dan (1:0, 2:0) güclü olub. Nikosiya təmsilçisi mövsümün startında keçirdiyi bütün görüşləri qələbə ilə başa vurub.
Qeyd edək ki, "Zirə" tarixində ilk dəfə avrokuboklarda pley-offda mübarizə aparacaq.
İdman.biz
