Almaniyalı Yurgen Klopp baş məşqçi karyerasını bir oyunluq bərpa edəcək.
İdman.biz xəbər verir ki, o, Dortmund “Borussiya”sının futbolçuları Yakub Blaşikovski və Lukaş Pişekin vida matçında komandalardan birinə rəhbərlik edəcək.
Polşalı oyunçular onun razılığını ala bilib. Klopp Blaşikovskinin komandasının baş məşqçisi olacaq. Vida görüşü sentyabrın 7-də Dortmundda baş tutacaq.
Qeyd edək ki, Kloppun son iş yeri ötən mövsüm çalışdığı “Liverpul” olub.
İdman.biz
