Azərbaycanlı futbolçu Həsən Nəzərli Türkiyə 1-ci Liqasında debüt edib.
İdman.biz xəbər verir ki, gənc yarımmüdafiəçi ilk dəfə "Ankagücü"nün heyətində bu şansı qazanıb.
Azərbaycanın 17 yaşadək futbolçulardan ibarət yığmasının üzvü "Erzurumspor"la görüşün 84-cü dəqiqədə meydana daxil olub. Bunadək o, Ankara klubunun U-19 komandasında çıxış edib.
Millimizin hücumçusu Renat Dadaşov da sonradan oynamaq imkanı əldə edib. İlk turda qolla yadda qalan Dadaşovun səyləri "Ankaragücü"nu məğlubiyyətdən xilas etməyib (0:1).
Qeyd edək ki, həmyerlilərimizin komandası ilk turda "Şanlıurfaspor"a 2:0 hesabı ilə qalib gəlib.
İdman.biz
