“Çempionlar Liqasının qrup mərhələsinə düşmək bir çox klubların arzusudur”.
Bunu İdman.bizə Azərbaycan millisinin sabiq futbolçusu Yunis Hüseynov deyib.
O, “Qarabağ”ın UEFA Çempionlar Liqasının pley-off mərhələsində Zaqreb “Dinamo”su ilə ilk matçını şərh edib. Təcrübəli mütəxəssisin sözlərinə görə, Azərbaycan çempionunun əsas mərhələyə düşməsi çox vacibdir: “Hamımız istəyirik ki, Bakıda möhtəşəm oyunların şahidi olaq. Xorvatiyada futbol çox yaxşı səviyyədədir. Hətta futbol ölkəsidir, deyərdim. “Qarabağ”ın hazırki forması bu rəqibə qalib gəlməyə imkan verir. Ağdam təmsilçisi səfərdə yaxşı oynayır. “Dinamo” öz meydanında qol vurmaq istəyəcək. Yaranan boşluqlardan da “Qarabağ” istifadə edə bilər. İnanıram ki, təmsilçimiz bir top fərqi ilə də olsa qalib gələcək”.
Qeyd edək ki, “Dinamo” - “Qarabağ” matçı bu gün Bakı vaxtı ilə 23:00-da Zaqrebdə keçiriləcək.
Banuçiçək Hüseynli
İdman.biz
