"Qarabağ"ın futbolçusu Toral Bayramov azarkeşlərə səslənib.
İdman.biz xəbər verir ki, o, Çempionlar Liqasının pley-offunun "Dinamo" ilə cavab görüşündə fanatları tribunaları doldurmağa çağırıb.
Toral "Qarabağ"ın rəsmi səhifəsində bilet satışı ilə bağlı paylaşıma rəy yazıb: "Əziz azarkeşlər, gəlin siz hesabı açın. Biz qələbə topunu vuracağıq!".
Qeyd edək ki, "Qarabağ" ilk oyunda "Dinamo"ya 0:3 hesabı ilə uduzub. Avqustun 28-də keçiriləcək cavab matçı 20:45-də start götürəcək.
İdman.biz
