"Bizi sabah vacib və ciddi oyun gözləyir"
İdman.biz xəbər verir ki, bunu "Qarabağ"ın futbolçusu Bəhlul Mustafazadə "Dinamo"ya (Zaqreb) qarşı keçirəcəkləri Çempionlar Liqasının pley-off mərhələsinin cavab oyunundan öncə baş tutan mətbuat konfransında deyib.
27 yaşlı müdafiəçi bildirib ki, sabah əlimizdən gələnin ən yaxşısını etməyə çalışacağıq: “Ötən oyundakı səhvlərimizi təkrarlamaq istəmirik. Təbii ki, bu futboldur, səhv ola bilər. Bununla belə, qarşılaşmaya sakit hazırlaşırıq. Heç bir təzyiq yoxdur".
Qeyd edək ki, “Qarabağ” – “Dinamo” matçı sabah 20:45-də başlayacaq.
Aytac Sahəd
İdman.biz
