"Qarabağ" güclü komandadır".
İdman.biz xəbər verir ki, bunu UEFA Çempionlar Liqasının pley-off mərhələsinin cavab oyunları çərçivəsində keçiriləcək "Qarabağ" - "Dinamo” (Zaqreb, Xorvatiya) matçından öncə təşkil edilən mətbuat konfransında qonaq komandanın baş məşqçisi Sergey Yakiroviçin deyib.
Bosniyalı mütəxəssis bildirib ki, sabahkı oyuna ciddi hazırlaşıblar: "İlk qarşılaşmada 3:0 hesablı qələbə qazanmağımıza baxmayaraq, bu oyuna da çox ciddi hazırlaşmışıq. Rəqibimiz də kifayət qədər güclü komandadır.
Nəzərə alsaq ki, oyun rəqib komandanın meydanında keçiriləcək, bizə çətin olacaq. Xüsusilə də, müdafiə xəttində diqqətli olmalıyıq. Biz yaxşı oyun nəticəsində növbəti mərhələyə keçməyə çalışacağıq".
- Sizcə, "Maksimir"dəki hesab ədalətli idi?
- Nəticənin ədalətli olub-olmaması kimi şərh verə bilmərəm. Biz oyunda daha çox ona baxırıq ki, rəqib bizim üçün nə qədər şans yaradır ki, onların qapısına daha çox qol vuraq. Ya da rəqib tərəfdən belə olmasına fikir veririk. Nəticə də yaranan vəziyyətlərdən asılı olur.
- "Qarabağ" "Ludoqorets"ə evdə uduzsa da, səfərdə qalib gələrək rəqibin baş məşqçisini istefaya göndərdi. Qorxmursuz ki, sabah da siz böyük hesabla uduzsanız eyni aqibəti yaşayasınız?
- Həmin məşqçinin istefası barədə məlumatım yoxdur. Böyük ehtimalla artıq təqaüd yaşı çatdığına görə istefa verib. Mənim elə fikrim yoxdur. Bu komanda ilə yeni başlamışam və iddialıyam. Yaxşı nəticələrin olacağına güvənirəm. Belə halın yaşanacağına qətiyyən düşünmürəm.
- Yaxın keçmişdə Mahir Emrelini sərəncamınızda görmək istəmədiz və o, komandadan ayrıldı. Buna səbəb nə idi?
- Mən bu komanda ilə bir ildir çalışıram. Bir ildə Emrelinin potensialını görməyə vaxtım oldu. Lakin qışdakı zədəyə görə bütün yaz sezonu ərzində oyunlara çıxa bilmədi. Onun da bəxti gətirdi ki, "Nürnberq"ə transfer oldu. Onunla sağollaşmağımızda heç bir pis səbəb olmayıb.
- Bakıya hansı nəticə üçün gəlmisiz?
- Bizi daha da irəli aparacaq nəticəni əldə etmək üçün gəlmişik. Bunu konkret olaraq heç-heçə, qalibiyyət, məğlubiyyət kimi adlandıra bilmərəm.
İdman.biz
Aytac Sahəd
