Bu gün UEFA Azərbaycan yığması Milətlər Liqasının I turu çərçivəsində ilk oyununa çıxıb.
İdman.biz xəbər verir ki, seçməmiz Bakıda İsveçi sınağa çəkib.
Bu oyun portuqaliyalı mütəxəssis Fernandu Santuşun yığmamızdakı debütü ilə yadda qalıb. Qarşılaşma millimizin 1:3 hesablı məğlubiyyəti ilə yekunlaşıb. Bütün qollar fasilədən sonra vurulub. Yığmamızın hücumçusu Ramil Şeydayev birinci hissəyə əlavə olunmuş dəqiqlərdə 11 metrlik cərimə zərbəsini dəqiq yerinə yetirə bilməyib.
C Liqasının I qrupundakı digər matçda Slovakiya Estoniya ilə münasibətlərə aydınlıq gətirəcək.
UEFA Millətlər Liqası
5 sentyabr
Azərbaycan - İsveç - 1:3
Qollar: Renat Dadaşov, 82 - Aleksander İsak, 65; 71. Viktor Qyökeres, 80 (pen.)
Baş hakim: Balaş Berke
Dəqiq olmayan penalti: Ramil Şeydayev, 45+2
Azərbaycan: 23. Mehdi Cənnətov, 22. Abbas Hüseynov, 4. Bəhlul Mustafazadə, 15. Bədavi Hüseynov, 3. Elvin Cəfərquliyev, 20. Aleksey İsayev, 8. Emin Mahmudov (k), 7. Coşqun Diniyev, 11. Ramil Şeydayev, 9. Renat Dadaşov, 17. Toral Bayramov
Baş məşqçi: Fernandu Santuş
İsveç: 12. Viktor Yohansson, 6. Lüdviq Auqustinsson, 4. İsak Hien, 2. Aleks Duqlas, 3. Linus Valqvist, 18. Yasin Ayari, 19. Mattias Svanberg, 11. Antoni Elanqa, 9. Aleksander İsak, 21. Deyan Kuluşevski, 17. Viktor Qyökeres
Baş məşqçi: Yon Dal Tomasson
Tofiq Bəhramov adına Respublika Stadionu. Saat 20:00
İdman.biz
