“Zirə”yə 0:2 hesabı ilə məğlub olan “Neftçi”nin mövsümün startından qələbəsiz seriyası 6 oyuna çatıb.
İdman.biz xəbər verir ki, komandanın baş məşqçisi Roman Qriqorçukun əvvəlki klubu – Odessa “Çernomorets”ində də son iki qarşılaşmada qalib gələ bilmədiyini nəzərə alsaq, ukraynalı mütəxəssis artıq 8 matçdır qələbə nə olduğunu bilmir.
Bu, Qriqorçukun karyerasında ilk belə uğursuzluq deyil. O, 2022/23 mövsümünə “Çernomorets”də 10 oyunluq qələbəsiz seriya ilə başlamışdı.
“Qəbələ”də çalışanda Qriqorçukun ən uğursuz dövrü 2015-ci ilin oktyabr-noyabr aylarına təsadüf edib: komanda Azərbaycan Premyer Liqası və Avropa Liqasında ardıcıl 9 oyunda qalib gələ bilməyib.
Rasim
İdman.biz
