Azərbaycan millisinin hücumçusu Mahir Emreli bu gün Almaniyanın II Bundesliqa klubu “Nürnberq”də debüt edib.
İdman.biz xəbər verir ki, “Nürnberq”in “Herta”nı sınağa çəkdiyi matçda Emreli 39-cu dəqiqədə meydana daxil olub.
O, zədələnən Benjamin Qolleri əvəzləyib. Emreli 55 dəqiqə meydanda olub və 90 üstəgəl 5-ci dəqiqədə sarı vərəqə ilə cəzalanıb. Oyun qonaqların 2:0 hesablı qələbəsi ilə yekunlaşıb.
Qeyd edək ki, bu məğlubiyyətdən sonra “Nürmberq” 7 xalla 11-ci sırada qərarlaşıb.
İdman.biz
