Azərbaycan çempionu “Qarabağ”ın Avropa Liqasındakı növbəti rəqibi “Malmö” İsveç çempionatının oyununu keçirib.
İdman.biz xəbər verir ki, Henrik Ridströmün yetirmələri “Myöllbü” ilə görüşüb.
Öz meydanında oynayan “Malmö” matçın taleyini ilk 45 dəqiqədə həll edib. Seren Rieks 20-ci dəqiqədə hesabı açıb. İsaak Kise Telin 31-ci dəqiqədə qol sevinci yaşayıb.
2:0 hesablı qələbə qazanan “Malmö” 25 oyundan sonra 48 xala malikdir. “Qarabağ”ın rəqibi 8 xallıq fərqlə çempionatın lideridir.
Qeyd edək ki, Avropa Liqasının Liqa mərhələsinin II turunun “Qarabağ” – “Malmö” matçı oktyabrın 3-də keçiriləcək.
İdman.biz
