Bu gün futbol üzrə Azərbaycan millisi UEFA Millətlər Liqası çərçivəsində Tallində Estoniya ilə qarşılaşacaq.
İdman.biz xəbər verir ki, estoniyalı jurnalistlərdən aldığımız məlumata görə, matça təxminən 6-7 min tamaşaçının gələcəyi gözlənilir.
Biletlərin qiyməti 16 avro (qapı arxasında) ilə 20, 50 avro (ortada ən yaxşı yerlər) arasında dəyişir. Uşaqlar və yaşlılar üçün bəzi endirimlər, həmçinin VIP biletlər (135€) də var.
Qeyd edək ki, UEFA oyunları üçün "Lilleküla" stadionunun tutumu təxminən 12 000 nəfərdir. Qarşılaşma Bakı vaxtı ilə saat 20:00-da başlayacaq.
Rasim, Tallin
İdman.biz
