Millətlər Liqasının qrup mərhələsi çərçivəsində keçiriləcək Azərbaycan – Slovakiya oyunu öncəsi təşkil olunacaq mətbuat konfranslarının və açıq məşqlərin vaxtı bəlli olub.
İdman.biz xəbər verir ki, bunu AFFA-nın mətbuat xidməti açıqlayıb.
Oktyabrın 13-də Azərbaycan milli komandasının baş məşqçisi Fernandu Santuş və bir futbolçunun mətbuat konfransı saat 16:15-də başlayacaq. 17:00-da isə ilk 15 dəqiqəsi mətbuat üçün açıq məşq start götürəcək.
Slovakiya milli komandasının hazırlığı 18:45-də olacaq. Qonaqların mətbuat konfransı 19:30-da başlayacaq.
Qeyd edək ki, oktyabrın 14-də keçiriləcək matç Tofiq Bəhramov adına Respublika stadionunda baş tutacaq.
İdman.biz
