Yenə SONUNCU

21 yaşadək futbolçulardan ibarət Azərbaycan millisi AVRO-2025-in seçmə mərhələsini başa vurub.

İdman.biz xəbər verir ki, yığmamız tarixinin 15-ci tsiklini də uğursuzluqla yekunlaşdırıb.

15 seçmə mərhələnin 14-də qrupda oynayan komanda yenə sonuncu yeri tutub. Bu, millinin tarixində 8-ci “zirzəmi”dir. Bundan əvvəlki iki tsikldə son pillədən qurtulan yığma yenidən özünə “doğmalaşan” autsayderliyə qayıdıb. Son 7 qrup mərhələsində ikinci dəfə millimiz bütün rəqiblərinə aşağıdan yuxarı baxmalı olub.

Yeni başa çatan tsikl qol sayında da antirekordlarla yadda qalıb. Cəmi 4 qol vuran komanda son 9 seçmə mərhələdəki ən “dişsiz” dövrünü yaşayıb.

30 topun buraxılması isə tarixdə ikinci ən bərbad nəticədir. Antirekord debütdəki AVRO-1996-da yaşanıb. Sonrakı 29 ilin ən zəif nəticəsi isə bu tsikldə qeydə alınıb.

Mərhələni cəmi 3 xalla tamamlayan yığma tarixinin ikinci ən pis nəticəsinə imza atıb. Yalnız bir dəfə qrupda daha zəif göstərici qeydə alınıb. Bu da xalsız bitirdiyimiz AVRO-2006-ya təsadüf edib. Tsikldə 3 xal əldə olunması isə ilk belə hal deyil. AVRO-1996, AVRO-2006, AVRO-2009 və AVRO-2019-da da eyni uğursuzluğa şahid olmuşuq.

Turnir	O	Q	H	M	T/F	X	Yer
AVRO-1996	10	1	0	9	5-36	3	6-cı
AVRO-1998	-	-	-	-	-	-	-
AVRO-2000	8	1	1	6	5-20	4	5-ci
AVRO-2002	10	2	3	5	4-17	9	5-cı
AVRO-2004	8	0	0	8	0-19	0	5-ci
AVRO-2006	10	0	3	7	1-17	3	6-cı
AVRO-2007	2	0	0	2	0-3	0	-
AVRO-2009	10	0	3	7	6-21	3	6-ci
AVRO-2011	8	1	1	6	8-19	4	5-ci
AVRO-2013	8	2	1	5	6-18	7	4-cü
AVRO-2015	8	2	1	5	9-15	7	4-cü
AVRO-2017	10	2	3	5	8-19	9	4-cü
AVRO-2019	10	0	3	7	6-27	3	6-cı
AVRO-2021	10	2	0	8	6-18	6	5-ci
AVRO-2023	10	2	1	7	12-24	7	5-ci
AVRO-2025	10	1	0	9	4-30	3	6-cı
	132	16	20	96	80-303	68