“Sumqayıt” klubunun yeni transferi özbəkistanlı Cəsurbek Cəloliddinovun İdman.bizə müsahibəsi
- “Sumqayıt”a keçidiniz necə reallaşdı?
- Mənə bildirdilər ki, bu klub səninlə maraqlanır. Komanda barədə məlumat əldə edib, əməkdaşlığa razılıq verdim.
- Onda “Sumqayıt”la bağlı hansısa məlumata malik deyildiz?
- Öncədən bəzi məlumatları bilirdim. Miloş Miloviç və Silvanus Nimeli Özbəkistan klubundan “Sumqayıt”a gedəndə maraqlanmışdım.
- Azərbaycan futbolu barədə nələri bilirsiz?
- Azərbaycanda futbolun səviyyəsi çox yüksəkdir. Bütün komandalar baxımlı oynamağa çalışır. Bu isə çox xoşuma gəlir. Artıq Bakıda da, Sumqayıt da gəzmək imkanım olub. Düzünü desəm, hər şeyi çox bəyəndim.
- Komanda müvəqqəti olaraq Vaqif Cavadova həvalə edilib. Baş məşqçi ilə nələrisə müzakirə etmisiz?
- İlk gündən baş məşqçi və bütün oyunçular daha tez uyğunlaşmağıma kömək edir, buna görə hər kəsə çox minnətdaram.
- Komandada əsas hədəfiniz nə olacaq?
- Klubun turnir cədvəlində yuxarı pillələrə qalxmasına mümkün qədər kömək etmək istəyirəm. Çünki “Sumqayıt” həmişə yüksək yerlər üçün mübarizə aparır.
Banuçiçək Hüseynli
İdman.biz
