AFFA-nın İntizam Komitəsi 15 yaşadək futbolçular arasında Azərbaycan çempionatında yaşanan qalmaqala münasibət bildirib.
İdman.biz xəbər verir ki, qurum U-15 Liqasında keçirilən “Asta” – “Şamaxı” oyununda baş verənləri araşdırıb.
Meydan sahiblərinin rəsmisi Rüstəm Əliyev qarşılaşmanın 80-ci dəqiqəsində hakimi təhqir etdiyinə görə qırmızı vərəqə ilə cəzalanıb. AFFA onu 5 oyunluq diskvalifikasiya edib.
Qarşılaşma bitdikdən sonra “Asta”nın klub rəsmiləri və futbolçuları təhqiredici ifadələrdən və jestlərdən istifadə ediblər. AFFA kluba ciddi xəbərdarlıq etməklə kifayətlənib.
İdman.biz
