Avropa Liqasının Liqa mərhələsinin IV turunda keçiriləcək “Bodo-Qlimt" - “Qarabağ” oyununun biletlərini əldə etmək üçün istifadə olunan vauçerlər satışa çıxarılıb.
İdman.biz xəbər verir ki, bunu Ağdam klubunun mətbuat xidməti açıqlayıb.
Azərbaycan çempionunu Norveçdə dəstəkləmək istəyən azarkeşlər üçün ayrılmış vauçerlər satışına start verilib. Azarkeşlər “iTicket.az”da onlayn şəkildə əldə etdikləri vauçerləri oyun günü saat 14:00-dan 16:00-a kimi "Scandic Havet" otelinin məlumat şöbəsinə yaxınlaşaraq biletə dəyişməlidir. Biletlərin qiyməti 55 AZN-dir. Vauçer sahibləri vauçerləri biletə dəyişərkən şəxsiyyəti təsdiqləyən sənədi təqdim etməlidir.
Qeyd edək ki, "Bodo-Qlimt" - "Qarabağ" oyunu noyabrın 7-də Bakı vaxtı ilə saat 21:45-də start götürəcək.
İdman.biz
