"Yaxşı oyun oldu. Ümumən oyundan razı qaldıq. Amma səhvlərimiz də var idi".
İdman.biz xəbər verir ki, bunu "Turan Tovuz"un baş məşqçisi Kurban Berdiyev deyib.
Rusiyalı mütəxəssis Misli Premyer Liqasının 12-ci turunun "Qarabağ"la oyunu şərh edib: "Təxminən plan həmişəki kimi idi. Amma təbii ki, onların ümumən ustalıqlarını, fərdi ustalıqlarını da nəzərə almışdıq. Rəqib futbolçuların fərdi keyfiyyətlərini əsas götürdük. Birəbir oynamaq xüsusiyyətlərinə diqqət edirdik. Əsas plan bundan ibarət idi. Desəydik ki, nəticədən razı deyiləm, düz olmazdı. Ümumi oyundan razı qaldım".
Qeyd edək ki, "Turan Tovuz" - "Qarabağ" matçı 0:0 hesabı ilə yekunlaşıb.
İdman.biz
