AFFA-nın İntizam Komitəsinin iclası keçirilib.
İdman.biz xəbər verir ki, yığıncaqda Misli Premyer Liqasının XII turunda və kubokun II təsnifat mərhələsində baş verənlər müzakirə olunub.
Komitə üzvləri müvafiq qərarlar verərək klubları cəzalandırıb. Çempionatın “Neftçi” – “Araz-Naxçıvan” matçında qonaqların futbolçusu Turan Vəlizadə qırmızı vərəqə aldığı üçün 1 matçlıq cəzalanıb, klub 500 manat cərimə edilib. Bakı klubunun azarkeşləri tərəfindən meydançaya kənar əşya atıldığına görə paytaxt təmsilçisi 800 manat xərcə düşüb.
“Turan Tovuz” – “Qarabağ” görüşündə qərblilərin azarkeşləri pirotexniki vasitədən istifadə etdiyinə klub 1500 manat cərimələnib. Qarşılaşma bitdikdən sonra meydançaya kənar şəxslər daxil olduğuna görə Tovuz təmsilçisi daha 800 manat cərimə ödəyəcək. “Qarabağ” isə azarkeşləri tərəfindən sındırılmış 8 ədəd oturacağa görə stadiona dəymiş zərərı ödəməli olacaq.
“Kəpəz” – “Səbail” görüşündə 4 futbolçusu sarı vərəqə alan qonaqlar 700 manat ziyana düşüb.
Kubokun “Mingəçevir” – “Zaqatala” oyununda 6 futbolçusu sarı vərəqə alan meydan sahibləri 70 manat ərimə edilib. “Qaradağ Lökbatan” – “Karvan” oyunu FHN avtomobilinin gec gəlməsi səbəbindən gec başladığına görə meydan sahibləri 100 manat ödəməlidir. Bu görüş bitdikdən sonra “Karvan”ın futbolçusu Kənan Quliyev stadionun infrastrukturuna zərər yetirildiyinə görə 1 oyun cəzalanıb. Yevlax təmsilçisi 100 manat cərimə edilib və infrastrukturuna vurulmuş zərəri ödəməlidir.
“Şəfa” – “Difai” matçında 7 oyunçusu sarı vərəqə alan “Şəfa” 70 manat xərimələnib. Rəqibi vuran Elvin Nəsibov və Elməddin Hüseynzadə də Bakı klubunu hərəyə 300 manat ziyana salıb. Onların hər biri 4 oyun diskvalifikasiya edilib. Bu matçda “Difai”nin 6 futbolçusu sarı vərəqə aldığına görə 70 manat cərimələnib. Qonaqların futbolçusu Bəşir Ayralov rəqibi təhqir etdiyinə görə birbaşa qırmızı vərəqə aldığı üçün 3 oyunluq cəzaya layiq görülüb. O, klubunu 200 manat cəriməyə məruz qoyub.
İdman.biz
