Transfermarkt “Mançester Siti”nin son iki mövsümdə Rodri ilə və ispaniyalı dayaq yarımmüdafiəçisi olmadan keçirdiyi oyunların statistik göstəricilərini açıqlayıb. Rəqəmlərdəki fərq açıq-aşkardır.
İdman.biz xəbər verir ki, Rodri ilə 53 oyun keçirən “Mançester Siti” bunlardan 74 faizində qalib gəlib, 2 faizində də məğlub olub, ortalama qazanılan xal sayı 2,45-dir.
Rodrisiz isə “şəhərlilər” 24 matçdan 58 faizində qələbə qazanıb, 33 faizində uduzub, orta hesabla 1,83 xal toplayıblar.
Qeyd edək ki, 2023/24 “Qızıl top”un qalibi bu il sentyabrın 22-də zədələnərək mövsümün sonuna kimi sıradan çıxıb.
İdman.biz
