“Qəbələ”dən hokkey hesablı qələbə - 20:0

I Liqanın VIII turunun hazırlığını davam etdirən “Qəbələ” yoxlama oyununda qüvvəsini sınayıb.

İdman.biz xəbər verir ki, “qırmızı-qaralar” Ağcabədinin “Olimpiya” komandası ilə üz-üzə gəliblər.

Region Liqası təmsilçisi ilə matç Qəbələ şəhər stadionunda baş tutub. Görüş Kaxaber Tsxadadzenin yetirmələrinin 20:0 hesablı qələbəsi ilə yekinlaşıb. "Qəbələ"nin heyətində Elşad Tağıyev 4, Rəvan Əsədov 3, Oçe Oçoveçi, Ruslan Voronsov və Prins Ovusu hərəyə 2 qola imza atıblar. Nugay Rəşidov, Nicat Əliyev, Şahin Şahniyarov, Murad Musayev, Vüqar Həsənov, Abdullahi Şuaybu və Samir Həsənov hərəyə bir dəfə fərqləniblər.

Qeyd edək ki, sabah daha bir yoxlama oyunu keçirəcək “Qəbələ” “Zaqatala” ilə üz-üzə gələcək. Qəbələ şəhər stadionundakı matç saat 15:00-da başlayacaq.

İdman.biz