FİFA 2026-ci ildə keçiriləcək dünya çempionatının UEFA zonasında seçmə mərhələsinin püşkatma qaydalarını təsdiqləyib.
İdman.biz xəbər verir ki, Azərbaycan yığması gözlənildiyi kimi 4-cü səbətdə yer alıb.
Reqlamentə görə, 54 komanda seçmə mərhələ 12 qrupda mübarizə aparacaq. 6 qrupda beş, digər 6 qrupda dörd yığma çıxış edəcək. Qrup qalibləri birbaşa final mərhələsinə yüksələcək. 2-ci yer sahibləri Millətlər Liqasından gələcək 4 komanda ilə pley-offda yarışacaq. Son 4 vəsiqə də burada sahibini tapacaq.
Dekabrın 13-də İsveçrənin Sürix şəhərində baş tutacaq püşkatma mərasimi saat 15:00-da start götürəcək.
Qeyd edək ki, Rusiya yığması püşkatmadan kənarda qalıb.
İdman.biz
