"İnter Mayami"nin hücumçusu Lionel Messi sosial şəbəkədə ailəsi ilə birlikdə velosiped sürərkən görüntülərini yayıb.
İdman.biz xəbər verir ki, argentinalı futbolçunun oğullarından biri "Barselona"nın formasında velosiped sürür.
O, 17 yaşlı cinah oyunçusu Lamin Yamalın nömrəsi və soyadı yazılmış futbolka geyinib.
Qeyd edək ki, Lionel Messi 2023-cü ilin yayında azad agent kimi Fransa PSJ-sindən "İnter Mayami"yə keçib. Bu müddət ərzində argentinalı klubda keçirdiyi 39 oyunda 34 qol vurub, 19 məhsuldar ötürmə edib. Transfermarkt internet portalı futbolçunun dəyərini 25 milyon avro qiymətləndirir.
İdman.biz
