“Qranada”nın fransalı qapıçısı Luka Zidan İspaniya Kral kubokunda inamlı oyunu ilə diqqət çəkib.
İdman.biz xəbər verir ki, 26 yaşlı qolkiperin komandası turnirin 1/16 finalına yüksəlib.
“Qranada” əsas və əlavə vaxtı 2:2 hesabı ilə bitən oyundan sonra penaltilər seriyasında “Saraqosa”ya qalib gəlib - 5:4. Birinci hissədə rəqibin penalti zərbəsini dəf edən Zidan penaltilər seriyasında da uğurlu çıxış edib, hətta özü də rəqib qapısından top keçirib.
Qeyd edək ki, Luka əfsanəvi Zinəddin Zidanın ikinci oğludur. O bu mövsümdən "Qranada"da çıxış edir.
İdman.biz
