"Bir az gərgin oyun izlədik. Baxmayaraq ki rəqibin bir-sıra baxımlı hücumları oldu, lakin 120 dəqiqə ərzində üstün tərəf biz idik".
İdman.biz xəbər verir ki, bunu "Sumqayıt"ın baş məşqçisi Vaqif Cavadov MOİK-lə oyundan sonra keçirilən mətbuat konfransıdna deyib.
Gənc mütəxəssus Azərbaycan kubokunda 1/8 finalında qazanılan 3:1 hesablı çətin qələbəni şərh edib: "Komandam sonadək öz gücünü göstərdi. MOİK-ə də qarşıdakı oyunlarda uğurlar arzulayıram. Qəzənfər müəllim gözəl komanda formalaşdırıb. Futbolçularımı təbrik edirəm. Yolumuza inamla davam edəcəyik".
Qeyd edək, "Sumqayıt" əsas 1:1 hesabı il yekunlaşan qarşılaşmanın əlavə vaxtında 2 qol vuraraq, mərhələ adlayıb - 3:1.
İdman.biz
