“Qarabağ” Rusiya Premyer Liqasında liderlər sırasında olardı”.
İdman.biz xəbər verir ki, bunu Rusiya millisinin və Moskva “Dinamo”sunun qapıçısı Andrey Lunyov deyib.
Təcrübəli qolkiper “Sport-Ekspress” nəşrinə açıqlamasında ötən mövsüm şərəfini qoruduğu “Qarabağ”ın Rusiya çempionatında oynamaq gücündə olduğunu bildirib: “Buna heç bir şübhə yoxdur. “Qarabağ” ən yüksək yerlər uğrunda mübarizə aparardı. Yüz faiz ilk “altılıq”da yer alardı”.
Qeyd edək ki, Lunyov 2023-cü ilin yayında “Bayer”dən keçdiyi “Qarabağ”ı 2023/24 mövsümünün sonunda tərk edib. O, Azərbaycan çempionu və kubokun qalibi olub.
İdman.biz
