CIES 2024-cü ildə milli komandalarda oynamış ən gənc futbolçuların adlarını açıqlayıb.
İdman.biz xəbər verir ki, Avropa çempionatlarında iştirak edən və qol vuran ən gənc futbolçu olan Lamin Yamal siyahıda 5-cidir. İspaniyalı hazırda 17 yaş 39-cu günündədir.
2024-cü ildə milli komandalarda oynamış ən gənc futbolçuların siyahısına 16 yaş 49 günündə olan Seneqal millisinin üzvü Amara Diouf başçılıq edir. Ondan sonra 16 yaş 83 günündə olan puerto rikolu İqnasio Antonetti, 17 yaş 6 günündə olan estoniyalı Patrik Kristal və 17 yaş 21 günündə olan səudiyyəli Talal Hacı gəlir.
Qeyd edək ki, Kristal Estoniya komandasının millimizlə oyunlarında ehtiyatda olub.
İdman.biz
