Viktor Qyokereş 2024-cü ildə 60-cı qoluna imza atıb.
İdman.biz xəbər verir ki, isveçli hücumçu “Sportinq”in heyətində fərqlənib.
O, Portuqaliya çempionatının XIII turunun “Moreyrense” ilə səfər görüşündə rəqib qapısına yol tapıb. Bu, Qyokereşin Lissabon klubunda 2024-cü ildəki 50-ci qoludur. Forvardın digər 10 qolu İsveç yığmasında qeydə alınıb. Bu toplardan 34-ü 2024/25 mövsümünə təsadüf edib.
Qyokereşin 60-ci qolu da “Sportinq”ə kömək olmayıb. Paytaxt təmsilçisi ardıcıl ikinci məğlubiyyətini alıb – 1:2.
Qeyd edək ki, 2023-cü ilin ən məhsuldar futbolçusu olan Kriştiano Ronaldo 54 qola imza atmışdı.
İdman.biz
