"Qarabağ" futbol akademiyasının komandaları üçün növbəti seminar təşkil olunub.
İdman.biz xəbər verir ki, tədbirdə AFFA-nın Hakimlər Komitəsinin üzvü Anar Salmanov, komandalarımızın futbolçu və məşqçi heyəti iştirak edib.
Salmanov matçda qaydalar haqda danışıb. O, videoçarxda nümayiş olunan oyun epizodlarını şərh edib.
Həmin epizodlarla bağlı müzakirələr aparılıb. Görüşdə hakimlik və oyun qaydaları ilə bağlı suallar cavablandırılıb.
İdman.biz
