Avropanın top komandalarının yeni reytinq siyahısı açıqlanıb.
İdman.biz xəbər verir ki, cədvəldə qitənin 400 ən güclü klubu yer alıb.
Siyahıya Azərbaycanın 4 təmsilçisi daxil edilib. Ölkəmizin ən yaxşısı “Qarabağ”dır. Qurban Qurbanovun yetirmələri 279 xalla 63-cü sırada qərarlaşıblar.
“Neftçi” 19 xalla 254-cüdür. 4 xal geri qalan “Sabah” 277-ci yerdədir. 14 xala malik “Zirə” 11 pillə geridədir.
“Qarabağ”ın Avropa Liqasındakı növbəti rəqibi “Elfsborq”un 55 xalı var. İsveç klubu Azərbaycan çempionundan 103 addım geridə - 166-cıdır. İki komandanı siyahıda böyük uçurum ayırır.
Qeyd edək ki, siyahıya 2425 xala malik “Real” başçılıq edir.
İdman.biz
